Ungdom i natur

    Foto: Vegard Aasen

Ungdom i natur er eit gratis friluftstilbod for ungdom mellom 11 og 16 år i Aurland, Årdal, Lærdal, Luster, Vik og Sogndal kommune.
Prosjektet blir drive av Sogn friluftsråd, og skal gi ungdom moglegheita til å utforske naturen, prøve nye aktivitetar og finne si eiga friluftsglede.

Eit tilbod for alle

Ungdom i natur passar for alle – uavhengig av erfaring eller utstyr. Gjennom året arrangerer vi helgecampar, aktivitetsdagar og kurs i samarbeid med lokale lag og foreiningar. Målet er å skape trygge, kjekke og lærerike opplevingar, der ungdom får kjenne på meistring, fellesskap og naturglede.

Slik fungerer det

Aktivitetane blir publisert i ei oversikt på nettsida vår, der ungdommane sjølv kan melde seg på det dei har lyst til å vere med på.
Det er inga plikt til å delta kvar gong – ein blir med når det passar.

Programmet varierer gjennom året, og kan til dømes innehalde; klatring, padling, fridykking, overnatting ute, skredkurs og sykling. Det vil være både være overnattingscampar og aktivitetar/kurs i vekedagar etter skuletid.

For lag og organisasjonar

Gjennom prosjektet ønskjer vi å knytte ungdom nærare til det lokale friluftslivet.
Lag og foreiningar får høve til å:

• Syne fram aktiviteten sin
  

• Rekruttere nye medlemmar
  

• Bidra til gode fritidstilbod i regionen
  

De bestemmer sjølv kor mykje de vil bidra – alt frå ein enkel kveld til ei heil helg.

Ungdomscamper 2026

Dagsaktivitar for ungdom 2026